في
أيام عهد
الخليفة
المستنصر
الفاطمي مرت
مصر بأقصى
وأحلك فترات
الغلاء في
تاريخها،
للدرجة اللي
خلت
المواطنين مش
لاقيين
ياكلوا بعد
ما وصل سعر
الأردب للسلع
الرئيسية الي
مبالغ خيالية
ميقدرش عليها
حتى الأغنياء
والميسورين.وبدأ
الناس يدوروا
على حاجة
ياكلوها..فبدأت
مقالب
القمامة يبقى
ليها أهمية
قصوى، ولو
عديت من أدام
مقلب منهم
هتلاقي الناس
بتتخانق علة
هيكل عظمي
لسمكة – لو
كانت زبالة
ناس أغنيا
شوية- أو شوية
قشر فول لو
الناس الفقرا
نسيوا ورموه
بالغلط.ولأن
الجوع كافر ..بدأ
الناس ياكلوا
الكلاب
والقطط
والحمير...لما
وصلت عند
الحتة دي من
الكتاب اللي
كنت باقراه
قعدت أتخيل
الوضع وأقول
لنفسي " الحمد
لله على كل
حال....هو صحيح
الأسعار غليت
جامد الأيام
دي لكن هل
الأمر ممكن
يوصل للقطط
والكلاب
والحمير"..وبدأت
أتخيل أزاي
القطط
والكلاب
والحمير ممكن
تكون الحياة
بيهم..ولقيت
نفسي شايف
يافطة كبيرة
في ميدان باب
اللوق مكتوب
عليها "محلات
"هو هو"
للكلاب...بعد
وضع حرف "لا"
بدل من "ب"..ولقتني
قاعد جوه
باقرى
القايمة
1
ك عضم كلب ----10
جنية
شوربة
راس الكلبة "فله"---7
جنيه
طلب
فخذ الكلب "روي"---8
جنية
عصيدة
ديول بالشطة---9
جنيه
1 ك لحم كلب
لولو-----40 جنية
ولأن
ما فيش في
جيبي غير 1
جنية فقط هو
مرتبي الشهري
أيام الخليفة
المستنصر
خرجت من
المحل وأنا
باعض على
بطني من
الجوع..علشان
الاقي على
الرصيف
المقابل
يافطة تانية
كبيرة مكتوب
عليها "مطعم
نونو المقطقط..كل
وأطنطط"...قلت
في نفسي يا
مسهل ..ولقتني
قاعد في
المحل تاني
باقرى
القايمة
1ك
عيون قط
شيرازي------31
جنية
طلب
رجول سيامي
بالدمعة ----15
جنية
طلب
رجول قط بلدي
أبيض---10 جنية
1
ك أسنان قطة
أنثى رومي
هجين----8 جنية
طلب
قوانص القطة "بوسي"-----12
جنية
الحلو
طلب
كنافة شعر من
قطة شيرازي
بالسكر----5 جنية
طبق
لعاب قط
مشمشي بالسكر
والزبيب-----5
جنية
طبعا
واضح تاني أن
الجنية مش
هينفع...فخرجت
من المحل
وأنا بأفتكر
أيام ما كان
عندي في
البيت 3 قطط
شيرازي ..كنت
أنا اللي
بأكلهم بأيدي..لأ
وايه كنت
باجيبلهم
لانشون وتونة..يا
ريتني ما كنت
أديتهم هدية
لصاحبي عبد
السلام
الطويل..كان
زماني من
أصحاب رؤوس
الماشية
دلوقت..أو
يمكن كان
يبقى عندي
محل زي ده..ورميت
بعيني على
اليافطة تاني
بأسى وحسرة..علشان
الاقي مكتوب
عليها بخط
صغير تحت
العنوان "أدارة
عبد السلام
الطويل"...ساعتها
بجد أتمنيت
أني أنونو..وتدوسني
عربية..لكن
ولا ده حصل
ولا ده حصل..ولقتني
قاعد على
رصيف..وسط
الشارع..لحد
ما سمعت صوت
واحد واقف
أدام محل
بينعر زي
الحمار
وبيقول "قرب
كل عند الجحش..أبدا
ماهتندمش"
"لحم
الحمير..70 %
كوليسترول
أقل..دهون أقل..سعر
أقل".."قرب كل
والسلطة
علينا"..طبعا
الأغراءات
زادت عليا
أوي...فقررت
أني أقرب
وأجرب..مش
هاخسر حاجة..وأهو
برضة الأسباب
اللي قالها
كلها مقنعة...وتالت
لقتني ماسك
القايمة
طبق
شربة النهاق------5
جنية
طلب
ودان حميري
محمرة-----7 جنية
حافر
جحش مقرمش
بالخلطة
السرية----3 جنية
شوربة
فخذ حمار
حصاوي----6 جنية
جوز
عيون حمار
أحول-----4 جنية
جوز
عيون حمار
سليم----8 جنية
يا
ساتر يا رب...خلاص
عليه العوض
ومنه العوض..طلعت
من المحل
بالجنية
بتاعي وعرفت
أن مش لازم
أكل أنهاردة
خلاص ..الأنسان
ممكن يفضل من
غير أكل لمدة 4
أيام..وانا
أنهاردة في
أول يوم..يبقى
ربنا يحلها
لما أوصل
لليوم الرابع
..وأهو برضه
محدش بيموت
من الجوع...وبينما
أنا وصلت
للقرار ده...وصلت
برجلي ادام
مقلب زبالة
من أياهم...لكنه
ليه باب وفي
اتنين حراس
واقفين علية..قربت
شوية لقيت
يافطة فوق
متعلقة مكتوب
عليها "مقلب
زبالة الشبع"...الدخول
1 جنية...
سألت
واحد من
الحرس ..هو أنا
بعد ما أدخل
أيه اللي
هايحصل..
-
أدفع
وادخل وانبش
في الزبالة
وانت ونصيبك..تلاقيلك
عضم راس قطة...قشرتين
موز..شوية قشر
لب..
-
وهل
حصل أن حد لقى
حاجة قبل كدة
-
طبعا
يا بيه..ده مرة
واحدة غلبانه
عندها 3 عيال
دخلت وخرجت
بفخد حمار
كامل..وواحد
تاني أفندي
محترم زييك
كده دخل وخرج
ب أربع خمس
معالق رز...رز! ..رز!
عارف يعني
أيه رز...محدش
شافه بقالنا
ييجي 7 سنين
دلوقت.
-
يا
سلام..رز!..وانت
رأيك يعني
أني أدخل..انا
مامعايش غير
هوه جنية في
جيبي..انت مش
شايف أن جنيه
كتير شوية
خصوصا أن
الموضوع فيه
مخاطرة جامدة..انا
ممكن جدا
مالاقيش أي
حاجة..
-
جنيه
كتير!
الدولار غلي
يابيه ..وبعدين
دا أحنا أرخص
من مقالب
زبالة كتير..لو
ضربت برجلك
ناحية روكسي
ومصر الجديدة
والهرم..هتلاقي
دخول المقلب
ب 2 جنية و 2 جنية
ونص..
وقفت
محتار جامد
يا ترى..أدخل
ولا مادخلش؟..
حازم
المستجوع
