بسم الله الرحمن الرحيم       صلوا على المصطفي يا أهل بلدي يا أهل الوفا انسوا اللي فات و كفايه قر و حسد و مُناكفه قاعدين و عنيكم علينا تنقروا و حنا طالبين الشفا دا السم تحت اللسان يا ناس و احنا ناس متقريفه   جابوا العيال عندنا و قالوا كلهم في آخرسنه ف ابتدائي ف ثانوي بيعانوا نفس المشكله م الروضة ييجوا لنا و هم على أول سلمه عشان الولاد يتأسسوا قبل ما يخشوا المفرمه   الكل فاهم إن المحروس إبنه دا ملاك م السما في المدرسة متقصدينه و الشرح تنقصه الملزمه دايما حظه قليل مظلوم مع إنه آخر معلمه يشاغبهم و لا يروحشي دي بقى الروشنه   عاوزين إننا ننجحهم لهم بمجموع  كبير من غيره يبقوا راحوا كلهم ف التطهير بعدما كلهم فشلوا في الرقص و التزمير حتى ف الكوره اللي بيلعبها التلامذه كتير   طب و هندسة و صيدله و كمان إعلام أيتها شهاده كده تجعله لهم فتى الأحلام دا هو حلمهم كلهم من سالف الأزمان يعلا و يعلوا معاه لو كان في الإمكان   المهم إنهم يدخلوا باب مكسب أو على أقله نقعده على مكتب شغلانه مريحة مضمونه بمرتب و اسمه عمره ما عرف يكتب   نلم القرشينات و نقعد المجموعة و الحساب عندنا كله بالساعة بعد ساعتين لازم نخلي القاعة و بعدهم تدخل شله و جماعة   بعد سنه و اتنين بقينا من الصفوة عربيه و فيلا و كام مليون بلا قافية بعرقنا و كدنا و أحلام ناس حافية كل دا و برضه يسمونا بالمافيا ؟   صلوا على المصطفي يا أهل بلدي يا أهل الوفا انسوا اللي فات و كفايه قر و حسد و مُناكفه قاعدين و عنيكم علينا تنقروا و حنا طالبين الشفا دا السم تحت اللسان يا ناس و احنا ناس متقريفه   أبو حميد المصري               © Ahmed Tabbakh 2003