|
بسم
الله الرحمن
الرحيم ناس
حارتنا كلهم
على قد حالهم م
الفجر يخرجوا
و الرب
وكيلــــهم رزقهم
على قدهم
المولى عاطي
لهم الستر
طالبينه و
الصحة راس
مالهم أمين
يرجع ع المسا و
في إيديه شايل اللي
ربنا رزقه بيه
قليل كتير
قابل يدخل
ع العيال و
أمهم تتغندر و
تتمايل فرحانه
براجلها اللي
م الصبا عليها
قايل يبادر
أهله بالسلام
و السؤال إزاي
حالهم و
يبوس العيال و
قدامهم يبان
ميسور الحال شلن
لزينب وبريزة
لعبد العال يسمع
منها كلام
جميل يرد
الروح تسلم
إيدين اللي
اشترى لنا
الخوخ يحرسك
يا سبعي منين
ما تروح ربنا
يجعل في وشك كل
باب مفتوح لولا
الملامة و
كمان العيال
صاحيين لكانت
حضنته و باسته
م الخدين لكن
بعد العشا و
العيال
نايمين يحلى
الكلام و
مناغشة
العاشقين أنا
كمان طبخت لك
بامية ...بالهنا
و الشفا لأبو
ممدوح غير
هدمتك و
جلابيتك
مكوية...ع
السرير و سيب
الباب مفتوح و
ضحكتها ظاهرة
مخفية ...رنت في
ودنه و عينها
بالسر تبوح ممدوح
مين دا يا وليه
؟...هو إنتي
النهارده
روحتي لأم
فتوح ؟ ردت
و هي عامله
مكسوفة ... قالت
لي ولد إن شا
الله بص
لها أمين بصه
معروفة ... و
فكره مشغول
بالمره الدنيا
غلاء و القدرة
محدودة ...و
العيشة صعبة و
بقت مره قال
بعد العشا لنا
حدوته ...نشوف
لنا حل و نكسر
القله قعدوا
ياكلوا و
أكلهم
بإيديهم ...لا
شوكة و لا سكين كل
دي من إيدي
تعدمني ... بعد
الشر عنك يا
نور العين كل
يا ولا من
قدامك ...
و ما تحفش إنت
لك بطنين ؟ كلي
يا زينب و
أمضغي كويس ...
يا عيال ما
تباتوش
جعانين ناموا
العيال بعد
العشا على طول
...قال قومي
إطفي
التليفزيون عندي
كلام في قلبي ح
أقول ... رمشت
بعينها و
رمشها مسنون خلص
الكلام بدون
ما يقول ... أصله
طول عمره في
حبها مسجون من
إيدها خدها
كالمسطول ...
و قفلوا
وراهم باب
أوضة النوم أبو حميد المصري
© Ahmed El-Tabbakh 2004
|
The
Egyptian Chronicles is a co-op of Egyptian authors.
Articles
contained in these pages are the personal views, or work, of the authors,
who
bear the sole responsibility of the content of their work.
BACK TO MAIN PAGE
 |
For
any additional information, please contact
the
Webmaster of the Egyptian Chronicles:
DESIGNED BY
 |
|
|
 |
