بسم الله الرحمن الرحيم

 

الست قدارة

راعبة الحارة

و كاتبة عبارة

على باب البيت

 

يا ناس يا شر

كفاكم قر

جيبوها البر

و إنسوا الحيط

 

طول ما لسانكم

متبري كده منكم

يلقى حكيمكم

لساني سليط

 

أنا بابا ف تكساس

 كلامه بيلحس

و كل ما أعطس

سلاحي يزيد

 

سلاحي معمر

رصاص بيدمر

وكلام ع المنبر

يقولوه هلافيت

 

دراعي مشمر

ممدود في المنور

يطول من فكر

يقول حواديت

 

أنصح و أؤمر

اللي عامل منظر

فاكر انه ح يقدر

يفتح حوانيت

 

 لزبون ح يجيلها

بضاعتي أبيعها

و أكسب منها

و نصيبه فتافيت

 

و لو بأيد مين فيكم

أخذتم شيء ليكم

خبيته عليكم

مدفون في الغيط

 

ح يبقى مقامه

مقام في مكانه

و يضيع زمانه

و سموه شهيد

 

أهل الحارة

تاهوا في الحيرة

و الحيرة دي جاره

بيرها غويط

 

و نسيوا جنين

أم لحن حزين

و الشيخ ياسين

أبو قلب شديد

 

أبو حميد المصري

و نسيوا جنين

أم لحن حزين

و الشيخ ياسين

أبو قلب شديد

 

أبو حميد المصري

 

© Ahmed El-Tabbakh 2004


 
 

 

The Egyptian Chronicles is a co-op of Egyptian authors.
Articles contained in these pages are the personal views, or work, of the authors,
who bear the sole responsibility of the content of their work.
 
 

BACK TO MAIN PAGE


 
 
 
 

For any additional information, please contact
the Webmaster of the Egyptian Chronicles:

DESIGNED BY